【店長推介-香港品牌 AKIV 多功能運動短褲】

店長推介-香港品牌 AKIV 多功能運動短褲

繼本地品牌颱風八號近年深受用家支持，最近又有新本地品牌冒起，就係AKIV 運動服裝喇! 第一眼的確係有少少似某個款，但細心留意及經試穿了一段時間後就發現原來係有分別既，近期練習仲愛上咗添，因為實在太方便又舒服，所以不得不介紹比大家!
<<AKIV Multi-Pocket 2-in-1 Running Shorts>>
而家跑步要帶既野越來越多，最重要係電話，證件，八達通，門匙，仲有能量食品，軟水樽，藍芽耳機等等...開發者就針對以上做考量，一條多功能跑步短褲就此誕生!
重點設計：
腰背部特大拉鍊袋，內層採用防水物料，不怕汗水弄濕手機及貴重物品
腰前、左、右共三大格透氣網袋，可以擺放350-500ml 軟身水樽、能量補充品等方便運動時補給用
內設短Tights 採用質地順滑的薄身布料，具有防磨功能，大大減少磨大髀內側的機會，減少受傷
面布採用跣水布料，而且通爽不痴肉，不會影響運動表現
店長最欣賞係個防水儲物格，即使落雨或跑到濕晒裡面都係完全唔濕，由其夏天咁大汗通常跑完部電話都會跟住濕晒，而且特大內格最大可以放到iPhone Pro MAX，就算係激烈地跑穩定性都非常高! 此外，AKIV 2in1 係連埋內膽，一款是三角款，另一款是短Tight款，唔洗再額外買條防磨內褲，短Tight版在大脾位置仲有一個暗格，可以比你放一D唔見得光既物品
試用感受: 以往著條跑褲都會帶條腰帶，如果條褲冇內膽仲要著條運動內褲，而家一條攪掂晒非常方便。布料雖然比T8厚一點點點...但都唔會焗，感覺仲會襟磨D，而且濕透唔會痴住大脾唔舒服。腰帶分前後左右四格亦好好儲物，就算 Full load 都唔會浪，穩定性出奇地高，好有驚喜。但我個人就唔鐘意放一支500ml軟水樽，會頂住個肚同埋集中係前面太重，建議400ml以下係最舒服既，或者左右2支250ml都放得落。仲有一個挑骨頭位，就係冇鎖匙扣位，心理上會驚容易跌左條匙(實際上唔會)，一係將重要野放入拉鏈格就安心晒。整體係滿意冇投訴，值得推薦!
當然最關心既仲有價錢，先問問你，一條跑褲+運動內褲+腰帶一共需要幾多錢? 普普通通都應該過$500，靚少少可能要$600-700，但係AKIV 2in1 定價只係$418，三角內膽只係$368，絕對係良心價性價比高! 仲有仲有，係我地Sportimate HK 買當然仲會有優惠添啦!
現有黑色及最新軍綠色已上架，分別有Unisex S-XXL， 女裝XS-L(褲長較短)